Nótaí a ghabhann leis na Ráitis Airgeadais

22. Scairchaipiteal agus Cúlchistí

Tá aicme amháin ann de ghnáthscaireanna. Níl aon srianta ar dháileadh díbhinní ná aisíoc caipitil. Tá cearta vótála comhionanna agus díbhinní ranga ag gabháil le gach scair sa mhéid is go bhfuil an méid iomlán ar gach scair íoctha.

Cúlchistí

Tá an t-iarmhéid oscailte, an t-iarmhéid deiridh agus na gluaiseachtaí ar gach cúlchiste leagtha amach sa Ráiteas faoi Athruithe ar Chothromas. Tá cur síos ar gach cúlchiste tugtha thíos.

Scairchaipiteal glaoite

Tá scairchaipiteal glaoite údaraithe na Cuideachta déanta suas de ghnáthscaireanna.

Cúlchiste um thiontú caipitil

Rinneadh gnáthscaireanna na Cuideachta a athainmniú ó €1.269738 in aghaidh an cheann go €1.25 in aghaidh an cheann i 2001 agus aistríodh an méid faoinar laghdaíodh scairchaipiteal eisithe na Cuideachta chuig ciste ar a dtugtar an Cúlchiste um Thiontú Caipitil.

Ranníocaíocht chaipitiúil

Ar an 12 Iúil 2011, mar a cheadaigh na hAchtanna Cuanta, 1996 go dtí 2009, d’ordaigh an tAire Iompair, Turasóireachta agus Spóirt go n-aistreofaí feidhmeanna Chuideachta Phort Dhún Dealgan chuig an gCuideachta. Rinneadh na sócmhainní agus dliteanais arna dtógáil ar láimh ag an gCuideachta mar thoradh ar an Ordú Aire sin a thaifeadadh ag a luachanna córa ar an dáta sin. Aithníodh méid comhfhreagrach mar Ranníocaíocht Chaipitiúil i gCistí Scairshealbhóra chun a léiriú go meastar go bhfuil na sócmhainní arna bhfáil agus na dliteanais arna nglacadh comhionann le ranníocaíocht ó phríomh-scairshealbhóir na Cuideachta.